2015年6月28日 - 首次與舊同學遊曼谷

 

首次與舊同學遊曼谷就有個惡夢既開始，事源當時唔想坐廉航，就買咗最廉既非廉航，但原來佢哋當時係專做駁腳，當日1330既班機因為支国所謂既航空管理，機上2/3既轉機客遲到，而呢間支資航空公司既決定就係等，結果係本地客鼓譟之下等到1630起飛，不單由玩半日搞到全日無哂，而且本來預算去到當地先去SUPERRICH換錢既計劃都無埋，要係機場捱貴泰匹。

點都好，始終都要先CHECK IN，唔係連房都無埋就出事，當日係舊同學同我搵咗係RATCHADA區一間叫PROM RATCHADA既酒店，而不出所料，所有警告既告示都係殘體同支拼。

地點(到後來有香港既泰國朋友先知咩事啦)以二百零港幣一晚算不好不壞啦，應有盡有，房大、乾淨，酒店本身有餐廳、無乜辦法直遊既泳池、SPA、旁邊係BIG C同佢既FOOD PARK，當年重有BLACK CANYON、八拉麵，算可以啦。

由於SETTLE好已經好夜，唯有去居酒屋食晚飯，唔駛搵啦，雖然好食，不過呢間已經執咗十世。

上邊咁樣一餐當然唔夠飽啦，所以行咗一個BTS站去THONG LO EXIT 4既SUKHUMVIT SOI 38，係NING'S MANGO STAND買芒果糯米飯返酒店食；當年呢，泰國政府未掃場，佢哋重係街邊檔所以開到好夜，而家入咗民居十點左右就收啦。

第二日午餐係TERMINAL 21既BAAN YING，俾舊同學發辦，但係…唔識真係應該做吓功課先，而家當然知應該叫奄列飯之類啦。

跟據舊同學話，晚餐先係重頭戲，係唐人街既陳再裕酒家。

就算今日，離車站都有一段距離，而且入夜車係好難入到唐人街既，所以就算唐人街頭起計都行十幾分鐘；比香港既所謂潮洲飯店更潮州，九龍城老店都俾唔齊既佢會俾齊、碟頭大，但同時間又真係超貴！近日本來想去回味既，睇人UPLOAD既菜牌，佢條凍魚由當年二千幾匹加到而家八千幾，食一餐分分鐘要5位，我帶幾個朋友去食曼谷既斧頭扒全餐買單都唔駛5位數字。

之後又去返TERMINAL 21既FUJI食日本嘢。之唔係日本嘢囉。

所以都無乜心機講，全部正常發揮，服務生亦正常地自我。

CHECK OUT後離開前最後一餐係BLACK CANYON，以平嘢來講絕對接受到，當然，呢個價位大部份嘢係預制就預咗架啦；值得一提，佢哋唔係每一間都有小食同飯餐供應，例如我而家成日去既OR TOR KOR分店就只有咖啡、三文治同餅。

離境前，第一次有時間影OCEAN OF MILK，夜嘛嘛重鬼咁多人，要影一張無路人既真係難。

回程。